Chromebookak errentingean Hezkuntza saila

Hezkuntza Departamentuak ikasleentzat bidalitako Chromebook-ak

IKASLEEN ULTRAERAMANGARRIEN ERABILERA ARDURATSUA

Hezkuntza Sailak DBHko 1. eta 4. mailetako edo Batxilergoko 1. eta 2. mailetako ikasleei emandako ultraeramangarriak ikastetxean matrikulatuta dauden bitartean (gehienez 4 urte) ikasleei lagunduko dieten lan-tresna dira. Ekipoa ez da ikaslearen jabetzakoa, baina ikasleak berea balitz bezala zaindu eta leku seguruan eduki behar du, jarraian datozen jardunbide egokiei eta premisei jarraituz. Bestela, zigorra jaso lezake.

Ikasleak jarraibide hauek betetzeko konpromisoa hartzen du:

1. Kontu handiz ibiliko da ekipamenduarekin, eta leku seguruan gordeko du; izan ere, gaizki     erabiliz gero (pantaila hautsia, teklatuan likidoak isurtzea, ) edo galera-ebasketa izanez gero, zigorra izango du.

2. Bateria egunero kargatu beharko du etxean, ultraportatila eskola-egun osoan erabili ahal izateko.

3. Hezkuntza-prozesuarekin lotutako eduki guztiak hodeian gordeko ditu. Ez du ezer gordeko lokalean eta ez du inolako informazio pertsonalik gordeko (argazkiak, bideoak, bidalketak), edozein unetan, konponketa baten aurrean, fabrikaren balioetara berrezarri baitaiteke.

4. Ez du programarik instalatuko eta ez du software-aldaketarik egingo ikastetxeko informatika-arduradunaren baimenik gabe.

5. Ez du manipulatuko eta ez du karkasa irekiko, ezta informatika-dendetan konpondu ere. Bi kasuetan, zigorra ezarriko zaio, ordenagailuak bermea galduko lukeelako.

6. Ikastetxetik kanpo erabiltzen duenean, wifi sare seguru batera konektatuko du.

7. Ordenagailuak edozein arrazoirengatik huts egiten badu, ikastetxera eramango du, eta informatika-arduradunarengana eramango du, ikastetxeak ezarritako protokoloari jarraituz.

8. Ikasleak edozein arrazoirengatik (ikastetxea aldatzea, Hezkuntza aroa amaitzea, bizilekua aldatzea, etab.) ikastetxean baja hartzen, edo ikastetxeak edozein arrazoirengatik (renting-aldiaren amaiera, formateatzea, etab.) eskatzen badio, ikasleak ikastetxeari emango dio, ezarritako protokoloari jarraituz. Bestela, zigorra jasoko du.

1. Ordenagailuak ikasleen jabetzakoak dira?

Ez, ordenagailuak ez dira ikasleen jabetzakoak. Hori bai, ikasteko tresna izango dira ikaskuntza-prozesuan. Horren ondorioz, ikasleak ikastetxea uzten duenean, hezkuntza-aroa aldatzen duenean edo ordenagailuaren renting-aldia amaitzen denean, ikasleak ordenagalua ikastetxeari itzuli beharko dio. Bestela, zigorra izango du.

Renting-eko 4 urteak amaitzen direnean, Sailak ordenagailuak itzuli behar dizkio hornitzaileari.

2. Ikasleek Nola zaindu behar dituzte ordenagailuak?

Ordenagailua ikaslearena ez bada ere, berea balitz bezala zaindu eta leku seguruan eduki behar du. Gainera, ikastetxetik kanpo erabiltzen denean, wifi sare seguruetara konektatuko da soilik.

Gaizki (pantaila apurtuta, teklatuan likidoak isuriz, manipulazio desegokia eginez, ..) erabiliz gero, galduz gero edo-ebatsiz(indarkeriarik gabeko lapurreta) gero, familiak zigor bat ordaindu beharko du.

Ordenagailuaren zatiren bat gaizki erabiltzeagatik hautsi bada, konponketa (edo hondar-balioa, konponketarik izan ezean) familiak ordaindu beharko du.

Ordenagailua galdu bada, familiak ordenagailuaren hondar-balioa ordaindu beharko du gertakariaren egunean kontuan hartuz.

3. Ikasleek eraman dezakete ordenagailua etxera?

Bai, etxera eraman dezakete ordenagailua. Ikasleen ardura da egunero eskolara bateria kargatuta ekartzea, hezkuntza-jardunaldi osoa iraun dezan. Oporretan ere etxean eduki ahal izango dute.

4. Ikasleek aplikazioak instala ditzakete ordenagailuetan?

Ez. Ez du programarik instalatuko lokalean eta ez du software-aldaketarik egingo ikastetxeko informatika-arduradunaren baimenik gabe. Aplikazioak, normalean ON LINE erabilerarako, ikastetxeko arduradunak zabaldu/instalatuko ditu ordenagailuetan, hezkuntza-ingurunea administratzeko kontsolaren bidez.

5. Ikasleek datuak gorde ditzakete ordenagailuetan?

Datuei dagokienez, hezkuntza-prozesuarekin lotutako eduki guztiak ikasleek hodeian gordeko dituzte. Ez lukete ezer gorde behar lokalean, edozein unetan dena ezabatu bailiteke fabrika-balioetara lehengoratzeagatik. Halaber, ezin izango dute inolako informazio pertsonalik (argazkiak, bideoak, ..) gorde bertan.

6. Ikasleek informatika-denda batean ordenagailua handitu edo konpon dezakete? ¿Ikasleak karkasa aska dezake ordenagailutik?

Ez. Ordenagailu horiek bermea dute, eta hornitzaileak baino ezin ditu manipulatu. Beste bide batzuetatik manipulatzen bada, bermea galduko da. Egoera hori gertatzen bada eta ordenagailua hondatzen bada, erabilera txartzat hartuko da eta zigortu egingo da.

Hezkuntza Sailak DBHko eta Batxilergoko ikasleei emandako eramangarriak matrikulatuta dauden bitartean laguntzeko lan-tresna dira. Matrikulazioa amaitzen denean, edo ikastetxeak hala eskatzen duenean, ikastetxeari itzuli behar zaio.

Gorabeheretarako prozedura

Mailegu-eramangarrien babesa bermatzeko, aseguru-poliza bat ezarri da, gailu horien funtzionamendu egokiari edo erabilgarritasunari eragin diezaioketen hainbat egoera jasotzen dituena. Asegurua eramangarri guztiak estaltzen ditu, bai berriak bai aurreko kontratukoak.

Garrantzitsua da azpimarratzea aseguruak ez dituela estaltzen:

·         Ekipoa gaizki erabiltzeak eragindako kalteak, hala nola behar ez bezala manipulatzeak, baimendu gabeko softwarea instalatzea edo gomendatutako baldintzetatik kanpo erabiltzea.

·         Ekipoa galtzea, lapurreta edo ebasketaren ebidentziarik gabe.

·         Erabiltzaileak ekipoa ez itzultzea, arrazoia edozein dela ere.

Gorabeheraren bat gertatuz gero, ikastetxea CAUrekin harremanetan jarriko da, gorabeheraren arrazoia konpondu ahal izateko. Ordenagailu eramangarriaren akatsa edo konponketa bada, beste eramangarri bat emango zaio ikasleari, gorabehera baloratu bitartean. Ikasleak gaizki erabili duela ikusiz gero, tutoreak bere gain hartu beharko du konponketaren kostua, edo, konponketak eramangarriaren hondar-balioa gainditzen badu, bere gain hartu beharko du hondar-balio horren ordainketa. Tutoreak Hezkuntza Sailak igorritako ordainketa-gutun bat jasoko du, eramangarriaren konponketa-kostuari edo hondar-balioari dagokiona. Ordainketa-gutun horretan adierazitako zenbatekoa ordaintzen ez bada, Hezkuntza Sailak blokeatu egingo du eta mailegatutako eramangarri berria kenduko du.

Gailua galtzen bada edo itzultzen ez bada, familiak galdutako eramangarriaren hondar-balioa ordaindu beharko du. Tutoreak Hezkuntza Sailak igorritako ordainketa-gutun bat jasoko du, eramangarriaren hondar-balioari dagokiona. Ez da ordenagailu eramangarri berririk emango ordainketa-gutunean eskatutako zenbatekoa ordaindu arte.

Lapurreta-kasuak ikastetxean egiaztatu beharko dira, dagokion salaketaren bidez. Salaketarik ez badago, benetan galdutzat edo ebasketatzat joko da, eta tutoreek hartu beharko dute birjarpenaren ardura.